Ekipi më i dobët në Europë gjendet në Turqi, ndodhet një arsye tragjike prapa tij

Sport

Gazeta Express

28/04/2025 19:20

Kontinenti i Vjetër ka 107 liga në të gjithë divizionin e parë dhe të dytë të regjistruara në UEFA midis 55 vendeve anëtare të saj.

Nga të gjitha skuadrat në ato 107 liga, është një që është deri tani më e dobëta.

Është Yeni Malatyaspor, nga divizioni i dytë i Turqisë.

Ata kanë 36 humbje në 36 ndeshje, derisa kanë shënuar vetëm 13 gola dhe kanë pranuar 138 sosh. Ata po ashtu kanë -21 pikë në ligë.

Por ka një arsye prapa kësaj:

Klubi turk u prek thellë nga tërmeti shkatërrues që goditi Turqinë në vitin 2023. Tragjikisht, portieri i tyre u gjet mes gërmadhave.

Për shkak të kësaj, ata nuk morën pjesë për një kohë pasi punuan për të rindërtuar klubin. Federata turke rezervoi një vend për ta në divizionin e dytë, në mënyrë që të riktheheshin në garë. Pas muajsh pa aktivitet, Yeni Malatyaspor më në fund u kthye – por, siç pritej, rezultatet kanë qenë katastrofale.

Dhe përkeqësohet: për shkak të paqëndrueshmërisë institucionale, FIFA zbriti 21 pikë edhe prej tyre.

Një fund vërtet i trishtueshëm për një skuadër që vetëm pesë vjet më parë luante në Europa League.