Eric Dier e kompleton transferimin shokues, ende pa u hapur merkatoja

Sport

Gazeta Express

29/04/2025 20:50

Eric Dier ka përfunduar zyrtarisht një transferim të papritur te AS Monaco, në një lëvizje që do të finalizohet përpara hapjes zyrtare të merkatos së verës.

Mbrojtësi 31-vjeçar, i cili aktualisht është pjesë e Bayern Munich nën drejtimin e Vincent Kompany, do të largohet si lojtar i lirë në fund të sezonit 2023/24, pasi kontrata e tij me bavarezët skadon.

Sipas raportimeve të L’Équipe, si dhe konfirmimit nga Fabrizio Romano, Dier ka arritur marrëveshje të plotë me Monacon. Marrëveshja është firmosur dhe do të jetë e vlefshme deri në qershor të vitit 2027, me një opsion për zgjatje.

Romano shkroi në platformën X:

“Eric Dier te AS Monaco, here we go! Marrëveshja është përfunduar për mbrojtësin anglez që do të largohet nga Bayern dhe do t’i bashkohet Monacos. Kontrata do të vlejë deri në qershor 2027 + opsion për zgjatje.”

Ky transferim vjen në një moment kur Dier ka qenë një figurë kyçe në skuadrën e Bayernit gjatë pjesës së dytë të sezonit, pas një huazimi nga Tottenham. Ai ka luajtur 25 ndeshje me gjigantët gjermanë dhe ka fituar vlerësime të larta nga drejtuesit e klubit, përfshirë drejtorin sportiv Max Eberl:

“Që nga dëmtimi i Upamecanos, Eric ka treguar rëndësinë e tij dhe sa i qëndrueshëm është. Ai e njeh mirë veten dhe është bërë një lojtar shumë i rëndësishëm për ne në këtë fazë.”

Dier, i rritur në Portugali dhe produkt i akademisë së Sporting CP, nuk është i panjohur me futbollin jashtë Anglisë. Ai ka treguar shpesh se ndihet më i vlerësuar në kontinent sesa në vendin e tij:

“Gjithmonë kam ndjerë se ndoshta jam më i vlerësuar në Portugali sesa në Angli. Ndoshta nuk flitet për mua me respektin që duhet, nisur nga ajo që kam arritur në karrierë,” u shpreh Dier për The Times.

Transferimi te Monaco i jep atij një mundësi të re për të kontribuar në një projekt ambicioz, në një ligë ku përvoja dhe fleksibiliteti i tij pritet të jenë vlera të çmuara./GazetaExpress/