Evropiani U21 mes Shqipërisë dhe Serbisë, ky është komenti i presidentit të UEFA-s në Beograd

Futboll

Gazeta Express

03/04/2025 10:55

Presidenti i UEFA-s, Aleksander Ceferin e vlerësuar organizimin e përbashkët të Kampionatit Europian për të rinjtë U21 mes Shqipërisë dhe Serbisë si një hap të madh përpara në ndërtimin e urave të komunikimit në Ballkan dhe më gjerë.

“Ne e shikojmë një turne si EURO U21, i organizuar bashkërisht nga Shqipëria dhe Serbia, si një shembull i shkëlqyer: për të na kujtuar se nuk ka kufij të vërtetë në futbollin europian,” u shpreh Ceferin, duke nënvizuar fuqinë e sportit për të kapërcyer ndarjet politike dhe historike.

“Futbolli është më shumë se një sport: ai është një pasqyrë dhe një model i shoqërisë. Ai flet një gjuhë universale që shkon përtej kufijve, bashkon komunitetet dhe frymëzon ëndrrat,” vijoi Ceferin në deklaratën e tij.