FBK-ja publikon pamje nga stërvitjet intensive të Kosovës në prag të ndeshjeve parakualifikuese për “Eurobasket 2025”

Sport

Gazeta Express

03/07/2023 18:48

Kombëtarja e Kosovës ka filluar me stërvitje intensive për garat evropiane, ka bërë të ditur Federata e Basketbollit e Kosovës (FBK).

FBK-ja publikoi sot një video nga stërvitjet e “Dardanëve” të udhëhequr nga Rami Hadar, shkruan Gazeta Express.

Kujtojmë se Kosova është në grup me Zvicrën dhe Danimarkën, në Rrethin e Tretë Parakualifikues për “Eurobasket 2025”.

Sfida e parë e Kosovës është kundër Zvicrës, më 19 korrik, në Prizren.

“Dardanët” më 26 korrik do të jenë mysafirë të Danimarkës dhe tri ditë më vonë ndaj Zvicrës.

Përballja e fundit është ndaj Danimarkës, më 5 gusht, në Prizren. /Gazeta Express/