FC Ferizaj i kërkon falje Ismet Munishit

Futboll

Gazeta Express

02/04/2025 23:17

FC Ferizaj i kërkon falje ish trajnerit Ismet Munishi, i cili teksa e drejtonte Dukagjinin ndaj ish ekipit, u fye nga tifozët ferizajas, për çka ky klub u dënua nga FFK me 1000 euro.

Falje në emër të klubit ka kërkuar kryetari Lulzim Abazi.

“Në emrin tim personal dhe në emër të klubit FC Ferizaj i kërkojmë falje trajnerit Ismet Munishi për fyerjet që erdhën në emër të tij. Ne respektojmë kontributin e secilit trajner që ka qenë pjesë e rrugëtimit tonë.

Për fund, FC Ferizaj falenderon secilin tifozë që gjen kohë dhe na mbështet në stadium. Ju jeni motivi dhe forca jonë” thuhet pos tjerash në komunikatë. /GazetaExpress/