Fillon mbledhja e Këshillit të Përgjithshëm të LDK-së

Gazeta Express

18/12/2019 14:45

Në Selinë Qendrore të LDK-së ka filluar mbledhja e Këshillit të Përgjithshëm të partisë, e thirrur nga lideri i partisë, Isa Mustafa, raporton Gazeta Express

Në këtë takim do të diskutohet për koalicionin me Vetëvendosjen, derisa pritet që Mustafa të prezantojë kushtin për presidentin e ardhshëm që është duke i lënë dy partitë pa marrëveshje.

Pas takimit, që po mbahet pa praninë e mediave, kreu i LDK-së, Isa Mustafa, do të mbajë konferencë për medie, në të cilën do ta bëjë të ditur rrjedhën e diskutimeve në mbledhjen e lartpërmendur. /Express/