Gjithçka në kohë reale, “KOSOVA LIVE” me Amirin & Ajden nga 7 prilli në T7

Lajme

Gazeta Express

03/04/2025 17:06

“KOSOVA LIVE” është formati më i ri argëtues dhe informativ në T7, që nis nga e hëna e 7 prillit.

Nën moderimin e Amir Mjekut dhe Ajda Shukriut, ky emision do të sjellë për shikuesit gjithçka çfarë ndodh në kohë reale në vend, rajon e botë nisur nga përditshmëria, jeta sociale, politike, kulturore, sportive e showbizi.

Debatet e zjarrta, rrëfimet ekskluzive, lidhjet direkte gjithandej, mysafirë të veçantë për tema të patrajtuara do ta shënojnë 2-orëshin e këtij emisioni. 

Një pjesë e rëndësishme do t’ju dedikohet edhe vet qytetarëve. Historitë e tyre do të marrin jehonë nga studio e emisionit e po ashtu edhe problemet aktuale me të cilat përballen do të shkojnë në adresën e duhur dhe pse jo të marrin një zgjidhje.

AI, CHATGPT, TIKTOK, shëndeti emocional e mendor, këto e të tjera tema që ndërlidhen ngushtë me jetën tonë sot do të zënë vend gjithashtu në këtë emision.

Po ashtu, përmes këtij emisioni do të njiheni me të rinj të suksesshëm të Kosovës që jetojnë e punojnë gjithandej botës.

“KOSOVA LIVE” do të transmetohet nga e hënë në të premten, prej orës 12:00 deri në 14:00.