Gjykata spanjolle e anulon vendimin e dënimit të Dani Alvesit

Sport

Gazeta Express

28/03/2025 17:26

Ish-lojtari i Barcelonës, Dani Alves, fitoi apelin e tij kundër një dënimi për sulm seksual, pasi një gjykatë spanjolle anuloi vendimin. 

Alves u shpall fajtor në shkurt të vitit 2024 për përdhunimin e një gruaje në një klub nate në dhjetor të vitit 2022 dhe u dënua me katër vjet e gjysmë burg.

Ish-mbrojtësi i Brazilit dhe Barcelonës e mohoi kryerjen e krimit gjatë gjyqit tre-ditor. 

Gjykata e shpalli vendimin të premten, duke thënë se kishte “provë të pamjaftueshme” për të hedhur poshtë prezumimin e pafajësisë së Alves. 

Gjyqi ndaj Alves ishte rasti i parë i njohur që nga reforma e ligjeve të Spanjës në vitin 2022, për të bërë pëlqimin një element kryesor në përcaktimin e një krimi seksual, si përgjigje ndaj një vale protestash pas një rasti gang-rapi gjatë festivalit të vrapimit me demat San Fermin në Pamplona në vitin 2016. 

Ligji, i njohur popullorisht si ligji “vetëm po do të thotë po”, e përcakton pëlqimin si një shprehje eksplicite të vullnetit të një personi, duke e bërë të qartë se heshtja apo pasiviteti nuk janë të barabarta me pëlqimin. 

Por katër gjyqtarët e një gjykate të apelit me bazë në Barcelonë vendosën unanimisht të anulojnë dënimin.

Në vendimin e tyre, ata shkruan se dëshmia e paditëses “dallonte ndjeshëm” nga prova e incizimeve video të marra para se gruaja dhe Alves të hynin në tualet, ku ajo tha se ai e detyroi të bënte seks pa pëlqimin e saj. 

Alves, tani 41-vjeç, u mbajt në burg nga 20 janari 2023 deri në mars 2024, kur u lirua pas pagimit të 1.2 milionë dollarëve për garanci, ndërsa priste apelin e tij.

Ai gjithashtu dorëzoi pasaportat e tij, pasi prokurorët argumentuan kundër lirimit të tij me garanci për shkak të rrezikut të mundshëm të arratisjes. 

Prokurorët kërkonin që dënimi i tij të rritej në nëntë vjet, ndërsa avokati i viktimës kërkonte që ai të qëndronte në burg për 12 vjet. 

Ky vendim mund të apelohet në Gjykatën e Lartë të Spanjës në Madrid. 

Alves ishte një nga lojtarët më të suksesshëm të gjeneratës së tij dhe fitoi dhjetëra tituj me klube elitare, përfshirë Barcelonën, Juventusin dhe Paris Saint-Germain.

Ai gjithashtu ndihmoi Brazilin të fitojë dy Copa Americas dhe një medalje të artë Olimpike në moshën 38 vjeçare.

Ai luajti në Kupën e tij të tretë të Botës, titulli i vetëm i madh që nuk e ka fituar, në vitin 2022. Ai luajti për Barcelonën nga 2008 deri në 2016, duke ndihmuar ekipin të fitonte tre Ligat e Kampionëve dhe gjashtë ligat spanjolle, dhe u rikthye shkurtimisht në klub në vitin 2022. Ai ende ka një banesë pranë qytetit. 

Ai ishte me klubin mexican Pumas kur u arrestua. Pumas ndërpreu menjëherë kontratën e tij./GazetaExpress/