“Gjyshja ime thoshte…!” Rama në ‘Sy m’Sy’: Pasaporta europiane nuk është për të ikur, por për dinjitet dhe barazi

Shqiperi

Gazeta Express

05/04/2025 18:28

Kryeministri Edi Rama ka reaguar ndaj komenteve të ndjekësve në rubrikën e përjavshme “Sy m’Sy”, ku theksoi se pasaporta europiane nuk është thjesht një dokument udhëtimi, por simbol i dinjitetit dhe i të drejtave të barabarta për qytetarët shqiptarë në Bashkimin Europian.

Në përgjigje të një komenti në lidhje me çështjen e pasaportës europiane, Rama u përgjigj duke theksuar se nuk bëhet fjalë për largim nga vendi, por për një aspiratë kolektive që lidhet me barazinë me qytetarët e tjerë të Europës, si studentë, punonjës apo udhëtarë.

Ai shtoi se qytetarët shqiptarë meritojnë të kenë të njëjtat të drejta si çdo europian tjetër, që nga puna e ndershme e deri te mundësia për të studiuar në të njëjtat kushte me studentët vendas në vendet e BE-së. Duke iu referuar fjalëve të gjyshes së tij, Rama shtoi: Mllefi, e zeza e të zotit!”.

Kryeministri e ftoi qytetarin që i shkroi, si dhe gjithë shqiptarët, të bëhen pjesë e këtij vizioni duke mbështetur PS-në me votën numër 5 më 11 maj.

“Voto ‘5’-ën Kristi, pa asnjë pishman fare! Sepse vetëm unë dhe PS, së bashku me ty dhe shumicën e shqiptarëve, mund ta bëjmë këtë kapërcim epokal, historik për Shqipërinë,” – përfundoi ai.