Jude Bellingham mund të përballet me ndëshkime pas një shpërthimi të furishëm ku goditi monitorin e VAR-it pas humbjes befasuese 2-1 të Real Madrid ndaj Valencia.
21-vjeçari nuk arriti të kontrollonte emocionet e tij pas përfundimit të ndeshjes, pasi Los Blancos humbën në mënyrë dramatike të shtunën. Një gol në minutën e pestë të shtesës nga Hugo Doro e la ekipin e Carlo Ancelotti-t katër pikë pas liderëve të LaLigës, Barcelona, me tetë ndeshje të mbetura.
Dhe zemërimi i Bellingham shpërtheu kur ai po kalonte nëpër tunelin e Bernabeu-s – duke goditur monitorin në anën e fushës gjatë rrugës.
Mesfushori anglez shprehu frustrimin e tij duke goditur me këmbën e majtë bazën e monitorit, gjë që e la atë të dridhur.
Sipas rregullave të Federatës Mbretërore të Futbollit Spanjoll (RFEF), ai mund të përballet me ndëshkim, që mund të rezultojë në një gjobë. Kjo për shkak se RFEF merr në dorë “aktet e agresionit ndaj pajisjeve”.
Nëse zbulohet se ai ka dëmtuar qëllimisht pronën e ligës, Bellingham mund të ndëshkohet me një ndalim nga një deri në tre ndeshje. Nëse monitori mbetet në gjendje të përsosur, ylli i dikurshëm i Borussia Dortmund mund të marrë ndëshkim për “sjellje që e dëmton imazhin e lojës” ose “sjellje mosrespektuese”.
Në fund, Bellingham mund të marrë një paralajmërim të fortë për sjelljen e tij – dhe tifozët e Madridit shpresojnë që kjo të jetë ndëshkimi më i madh që ai mund të marrë.
Bellingham ende ndjehej i dekurajuar disa orë pas humbjes së Real ndaj Valencia, pasi përdori mediat sociale për të shprehur irritimin e tij.
Me Realin që do të përballet me Arsenal-in në ndeshjen e parë të çerekfinaleve të Ligës së Kampionëve të martën në mbrëmje, ai e di se ekipi i tij nuk mund të përsërisë një paraqitje të dobët tjetër. Ai shkroi në Instagramin e tij: “As fare i mjaftueshëm nga ana jonë. Duhet të ndryshojmë për të martën!”
Kjo pikëpamje u nda edhe nga makina e golave Kylian Mbappé, i cili tha thjesht: “Një ditë e keqe për ne. Plot fokus për të martën.”
Për Madridin, mbështetësit mund të jenë të shqetësuar për dobësitë e mbrojtjes që janë theksuar kohët e fundit. Në tri ndeshjet e fundit, ata kanë pranuar shtatë gola në të gjitha garat– të gjitha këto në fushën e tyre.
Dhe tifozët e Arsenal do të shpresojnë që Real të ekspozohet në Emirates, veçanërisht me Bukayo Saka në pritje të startit të tij të parë të vitit 2025.
Ky do të jetë takimi i parë zyrtar midis dy ekipeve që nga ndeshja e 1/8 ës së finales në sezonin 2005/06, ku Gunners arritën të kalonin përpara. /GazetaExpress/
Edicioni
t7 live
