Gold AG sërish në Hagë, tregon se kë e vizitoi

Lajme

Gazeta Express

13/07/2022 17:45

Reperi i njohur shqiptar, Gold Ag, sot ka udhëtuar për në Hagë, ku është takuar me ish-eprorët e UÇK-së – Hashim Thaçi, Kadri Veseli e Nasim Haradinaj.

Gold Ag ka publikuar dy fotografi prej Hagës dhe ka thënë se takimi me Haradinajn ka zgjatur për katër orë.

“Të fala të gjithëve andej ishte fjala e secilit pasi u ndamë. Me shpresë që drejtësia të triumfoj e të takohemi në Kosovën e lirë u ndamë në përqafim të njëri-tjetrit”, ka shkruar ai.

Postimi i Gold AG:

Sot së bashku me vëllaun tim ishim në vizitë te luani i UÇK-së gjeneral Nasim Haradinaj. Ai 4 orët e takimit na bëri të na duken 4 minuta dhe na priti i buzëqeshur sikur ta takonim në Gllogjan të Dukagjinit. Gjatë vizitës takuam nga afër edhe dy zemër luanët e UÇK-së, presidentin e Kosovës Hashim Thaçin dhe kryetarin e kuvendit Kadri Veseli.

Të fala të gjithëve andej ishte fjala e secilit pasi u ndamë. Me shpresë që drejtësia të triumfoj e të takohemi në Kosovën e lirë u ndamë në përqafim të njëri-tjetrit.

Lufta e UÇK-së ishte e drejtë dhe drejtësia qëndron si vaji përmbi ujë.

Liria ka emër