Grand Slami i Parisit: Edhe Akili ndalet në çerekfinale, vazhdon në repesazh për të bronztën

Sporte tjera

Gazeta Express

03/02/2024 14:11

Edhe Akil Gjakova është mposhtur në fazën çerekfinale të Grand Slamit të xhudos që po mbahet në Paris.

Xhudisti kosovar pësoi humbje nga xhudisti nga Uzbekistani, Shakhram Akhadov.

Megjithatë, Gjakova është ende në garë për medaljen e bronztë.

Ai në ndeshjen e parë të repesazhit do të përballet me xhudistin nga Moldavia, Adil Osmanov.

Në repesazh është po ashtu edhe Dardan Cena në kategorinë e njëjtë, kurse Laura Fazliu u ndal në raundin e tretë.