Haradinaj – liderëve të partive politike: Kur do ta kuptoni që Gjykata Speciale do ta dënojë UÇK-në e Kosovën?

Lajme

Gazeta Express

20/04/2025 17:34

Ish-komandanti i Ushtrisë Çlirimtare të Kosovës, përfaqësues i Organizatës së Veteranëve të Luftës, Nasim Haradinaj, i ka pyetur liderët e partive politike nëse kanë ndërmend të bëhen bashkë për çështjen e sjelljes së shtetit ndaj Gjykatës Speciale në Hagë, në paraburgimin e së cilës po mbahen ish-krerë të UÇK-së, të akuzuar për krime lufte dhe krime kundër njerëzimit.

“Mirëmëngjesi, liderë të partive politike! A e keni ndërmend me u bë najherë bashkë?”, shkroi Haradinaj në një postim në Facebook.

“Edhe sa vjet duhet me qendru në burg të Hagës miqtë tanë, për me kuptu ju se Gjykata Speciale do ta dënojë UÇK-në dhe Kosovën, përmes këtij gjyqi politik?!”, shtoi ai.

“Derisa ju po i numëroni votat, ata dhe Kosova po i numërojnë ditët në burg”, shkroi Nasim Haradinaj.

Javën e kaluar, Haradinaj me disa veteranë shkoi në oborrin e Kuvendit të Kosovës që t’u kërkonin deputetëve të zgjedhur ta nënshknënshkruanin ruajnë “Betimin për Drejtësi”, një letër e cila, u kërkonte atyre reagim për padrejtësitë që tha se po bëhen nga Gjykata Speciale në Hagë.