Haradinaj optimist se opozita mund ta bëj Qeverinë: Kryeministër Bedri Hamza ose Lumir Abdixhiku

Lajme

Gazeta Express

30/04/2025 7:00

Kreu i Aleancës për Ardhmërinë e Kosovës, Ramush Haradinaj, është shprehur optimist se mund të formohet një qeveri nga partitë që deri vonë ishin në opozitë.

Haradinaj tha se Kryeministër do të mund të bëhej Bedri Hamza apo Lumir Abdixhiku.

“Jam për po, aktualisht një të drejtë morale e ka PDK-ja, se ka më së shumë vota dhe do të ishte Bedri Hamza. Po nëse do e arrinim marrëveshje PDK-LDK, edhe ia propozojnë z.Lumir Abdixhiku, për mua është i pranueshëm“. tha Haradinaj në Kanal 10.

Ai tha se dp të ishte pro formimit të një qeverie nga këto parti dhe se nuk do të kishte ndonjë kërkesë.

Partia fituese në zgjedhjet e 9 shkurtit, Lëvizja Vetëvendosje nuk po arrin t’i bëjë votat as për votimin e Kryetarit të Kuvendit. Propozimi i tyre është Albulena Haxhiu, e cila ka dështuar të marrë votat e nevojshme qe gjashtë herë.

Në votimet e kaluara ka marrë 57 vota nga 61 sa nevojiten, teksa në votimin e sotëm ka rënë në 54 vota. Partitë i kanë kërkuar VV’së që ta ndërrojë kandidaten, mirëpo VV insiston në emrin e Haxhiut.