Henry mund të rikthehet në rolin e trajnerit, ka interesim nga klubi që do të luajë në Ligën e Kampionëve

Sport

Gazeta Express

25/04/2025 16:04

Thierry Henry mund të mos duket si zgjedhja më e qartë për trajner të një klubi me aspirata për Ligën e Kampionëve, por sipas raportimeve, ai është gjithsesi në garë për një post të tillë.

Legjenda e Arsenalit, Henry, e ka fituar Ligën e Kampionëve si lojtar i Barcelonës dhe shpesh është lidhur me punë si trajner.

Pavarësisht interesit të raportuar nga shumë klube që nga tërheqja e tij si lojtar, Henry nuk ka arritur të sigurojë një rol të vetëm që i jep mundësinë të dëshmojë vlerat e tij.

Henry ka trajnuar ish-klubin e tij Monaco si dhe klubin që atëherë njihej si Montreal Impact në Major League Soccer, ku ai përfundoi karrierën e tij si lojtar me një farë suksesi te Neë York Red Bulls.

Më pas, ai mori drejtimin e ekipeve të Francës U-21 dhe Olimpike, por përndryshe ka shërbyer si ndihmëstrajner, një rol që e ka përmbushur dy herë me Belgjikën, si dhe ka qenë një analist popullor futbolli.

Tani, raportet nga Franca sugjerojnë se një rikthim në drejtimin e një klubi mund të jetë në horizont.

Skuadra gjermane RB Leipzig duket se i ka hedhur një sy serioz drejt francezit.

“RB Leipzig dëshiron Thierry Henry si trajnerin e tyre të ri këtë verë!” shkroi EuroFoot në X, më parë Tëitter.

“Kontaktet e para tashmë janë vendosur. Klubi gjerman dëshiron një trajner që është adhurues i futbollit ofensiv dhe atraktiv dhe që i beson talenteve të rinj,” raporton [e përditshmja franceze Le Journal du Dimanche].

Leipzig, që tani konsiderohet si flamurtari i grupit të klubeve të pronësuara nga Red Bull – ku dikur Henry luajti si lojtar – debutoi në Ligën e Kampionëve në sezonin 2017-18 dhe ka marrë pjesë çdo sezon që atëherë në kompeticionin më të madh europian për klube.

Ata nuk arritën të kalojnë fazën e parë në versionin e ri të Ligës së Kampionëve me formatin “zvicëran”, duke përfunduar në vendin e 32-të në tabelën e fazës së vetme të ligës, pas një sezoni të dobët.

Nën drejtimin e trajnerit Marco Rose, Leipzig fitoi vetëm një nga tetë ndeshjet.

Pavarësisht se nuk arritën pritshmëritë as në kampionat, ata janë në një pozitë të mirë për t’u kualifikuar sërish në Ligën e Kampionëve, duke qenë në vendin e katërt pas 30 ndeshjesh.

Rose u shkarkua muajin e kaluar dhe zyrtarët e Leipzig thuhet se e kanë identifikuar Henry-n si një kandidat për ta zëvendësuar./GazetaExpress/