Igli Tare në ‘gjah’ për të siguruar shërbimet e yllit të Bayernit

Futboll

Gazeta Express

27/01/2026 22:20

Milani po shtyn fort për të arritur një marrëveshje për kushtet personale me mesfushorin e Bayern Munich, Leon Goretzka, i cili në verë do të jetë lojtar i lirë.

Interesimi për lojtarin ishte raportuar edhe më parë, ndërsa ai javën e ardhshme do të festojë ditëlindjen e 31-të.

Tani “Calciomercato.com” siguron se drejtori sportiv Igli Tare po e ndjek situatën shumë më agresivisht, i bindur se mund ta mbyllë marrëveshjen përpara çdo konkurrenti tjetër.

Kontrata e tij skadon më 30 qershor dhe reprezentuesi gjerman ndjen se është gati për një eksperiencë të re, pas tetë vitesh te Bayern Munich.

Rossonerët kanë avantazhin se tashmë bashkëpunojnë me agjentët e tij, pasi ata përfaqësojnë edhe afrimin e janarit, Niclas Füllkrug.

Pas suksesit të transferimit të Luka Modrić si lojtar i lirë nga Real Madridi, Tare beson se Milani mund ta përsërisë të njëjtën formulë edhe me Goretzkën.

Ka konkurrencë të fortë nga klube si Barcelona dhe Atletico Madrid, por skuadra e Serie A shpreson ta bindë lojtarin me vendosmëri, përfshirë edhe premtimin për minuta të rregullta në fushë./GazetaExpress