Inter përgatit kontratë që ta bllokojë talentin Esposito deri më 2030

Futboll

Gazeta Express

26/03/2025 22:59

Sipas raporteve, Inter ka siguruar shërbimet e Francesco Pio Espositon për të ardhmen duke e bërë sulmuesin, i cili është i huazuar te Spezia, të nënshkruajë një kontratë të re deri në vitin 2030.

19-vjeçari erdhi nga akademia e të rinjve të Nerazzurrëve dhe u dërgua te Spezia me një huazim dyvjeçar verën e vitit 2023. Ka qenë një sezon i jashtëzakonshëm për të, duke shënuar 14 gola në vetëm 27 paraqitje në Serie B, plus një asist.

Ai gjithashtu po shkëlqen me ekipin kombëtar të Italisë U-21, duke kontribuar me shtatë gola dhe tre asiste në 11 paraqitje në këtë nivel.

Esposito tërheq interesim me formën e tij të shkëlqyer

Inter ka marrë vesh lajmin se për shërbimet e tij janë të interesuar Manchester United, Leicester City por edhe klubet tjera.

Sipas raporteve të Matteo Morettos, Esposito ka nënshkruar tani një kontratë të re me Inter deri në qershor të vitit 2030, që do të rrisë pagën e tij në pak më shumë se 1 milion euro në sezon.

Kjo mbetet për t’u parë nëse ai do të jetë pjesë e skuadrës së Inter për sezonin 2025-26, ose nëse do të huazohet në një klub të Serie A për të fituar më shumë përvojë.

Kujtojmë se ai vjen nga një familje e suksesshme futbolli, pasi vëllai Sebastiano luan për Empolin dhe një tjetër vëlla, Salvatore, është shok ekipi me të te Spezia. /GazetaExpress/