Ish-ylli i Premier League përjashtohet për jetë nga një fushë e golfit, luajti aty i dehur

Futboll

Gazeta Express

31/03/2025 12:19

Një ish-lojtar i Premier League është ndaluar përgjithmonë nga një fushë golfi e njohur pas një incidenti që ndodhi gjatë një nate kur ai hyri aty i dehur.

Pasi përfundon karrierën futbollistike, shumë ish-lojtarë mund të relaksohen dhe të shijojnë pasuritë që kanë fituar gjatë viteve të karrierës, duke iu kushtuar sporteve të reja si padel tenis apo golf, ose duke shkuar në festa dhe duke bërë bujë për shkak të stilit të jetesës.

Një ish-yll i Premier League, megjithatë, e kaloi një natë të dehur më shumë së duhet dhe për këtë do të përballet me pasoja të rënda.

Ish-lojtari i Wigan, Fulham dhe Hull City, Jimmy Bullard, ka zbuluar se anëtarësia e tij në klubin e famshëm të golfit Sunningdale në Berkshire është revokuar pas një nate ku ai konsumoi shumë alkool.

View this post on Instagram

A post shared by Jimmy Bullard™ (@1jimmybullard)

Klubi prestigjioz i golfit kërkon një tarifë marramendëse prej 92,000 £ për të bërë pjesë të plotë, plus një tarifë vjetore prej 9,500 £, duke e bërë atë një nga klubet më të shtrenjta në vend.

Bullard u ndalua nga klubi pasi përpiqej të përdorte një shishe birre Peroni.

“Nuk më lejohet të shkoj më,” tha ai në një intervistë për legjendën e snooker-it Stephen Hendry, përmes Daily Mail.

“Kam pirë disa pije dhe më mori malli. E vura një Peroni në tel dhe e godita një top nga ajo. Kjo, natyrisht, nuk është gjëja e duhur për të bërë, dhe kërkoj falje. Nëse ka ndonjë anëtar të Sunningdale që po shikon, kërkoj ndjesë. Do doja shumë të kthehesha.”

Bullard është i njohur për karakterin e tij të veçantë, si në fushë ashtu edhe jashtë saj, duke e bërë atë një figurë të popullarizuar tek tifozët kudo ku ka luajtur

Pas një karriere ku fitoi promovim në Premier League me Wigan dhe më pas ka pasur kalime në Fulham dhe Hull, Bullard ka pasur një karrierë të suksesshme në televizion, duke drejtuar serinë popullore të Sky Sports “Soccer AM” deri kur ajo u anulua në vitin 2023.

Që atëherë, 46-vjeçari ka shijuar golfin dhe shpesh ndan video të tijat duke luajtur në llogarinë e tij në Instagram. /GazetaExpress/