“Jemi pranë grevës së përgjithshme në Maqedoni”, Lidhja e Sindikatave kërkon që paga minimale të jetë 500 €, të gjitha pagat të rriten për 100 €

Maqedoni

Gazeta Express

02/04/2025 15:34

Lidhja e Sindikatave të Maqedonisë sot mbajti protestë para institucioneve në vend, përcjell TV21. Sindikata kërkon që paga minimale të jetë 30.000 denarë, duke pasur parasysh shpenzimet e jetesës, në vend të 24.300 denarëve të propozuar, ndërsa Qeveria në afat prej një viti të paguajë kontributet për diferencën deri në 30.000 denarë.

“Jemi një hap pranë grevës së përgjithshme në të gjithë shtetin! Së paku 500 euro pagë minimale në Maqedoni dhe 100 euro rritje të të gjitha pagave të tjera! Funksionarë të parespektuar. U nisëm 300 para Shtëpisë së Punëtorëve, erdhëm 1800 para qeverisë. Aq sa janë funksionarë, një nga një. Në kohë tërhiqeni vendimin joligjor për përcaktimin e shumës së pagës minimale. Në kohë ulni pagat tuaja në pagë minimale, ta ndjeni qoftë edhe një vit, se sa vështirë e kanë punëtorët”, tha mes tjerash kreu i LSM-së, Sllobodan Trendafillov.