Gjykata e Tiranës ka lënë në burg ish-efektivin e policisë së Rinasit Briken Terziu që akuzohet se lejonte kalimin e pasagjerëve të ndryshëm të kalonin në vendet e BE edhe pse mund të kishin problem.
Ai u arrestua me dyshimet se lejonte qytetarë që kishin probleme me dokumentacionin të kalonin nga aeroporti i Rinasit në drejtim të vendeve të BE.
Avokati i tij mbrojtës i kërkoi gjykatës një masë më të lehtë sigurie me pretendimin se Terziu u dorëzua vetë në polici, si dhe se është person i parrezikshëm dhe i padënuar më parë.
Sipas prokurorisë skema u zbulua pas zbërthimit të celularit që iu sekuestrua Eneo Sulejmanit që aktualisht mbahet i arrestuar për trafikimin e 1 kg kokainë. Hetimet treguan se Terziu bashkëpunonte me Sulajmanin.