Katër raste të dhunës në familje gjatë 24 orëve të fundit, arrestohen disa persona

Lajme

Gazeta Express

05/04/2025 10:31

Policia e Kosovës përmes raportit të saj 24 orësh ka njoftuar se gjatë kësaj kohe janë raportuar katër raste të dhunës në familje në vend, shkruan Gazeta Express.

Nga policia bëhet e ditur edhe se rastet kanë ndodhur në Graçanicë, Ferizaj dhe Gjakovë.

Tutje, në raportet e PK-së njoftohet edhe se lidhur me këto raste janë arrestuar katër persona.]

Raporti i PK’së:

DHUNË NË FAMILJE

Graqanicë 04.04.2025 – 03 :21.  Është arrestuar i dyshuari mashkull kosovar,  pasi i njëjti në gjendje të dehur kishte sulmuar fizikisht bashkëshorten e tij. Viktimës i është ofruar tretmani mjekësor, ndërsa  i dyshuari me vendim të prokurorit është  dërguar në mbajtje.

LËNDIM I LEHTË TRUPOR & DHUNË NË FAMILJE

Ferizaj 04.04.2025 – 22:30.  Viktima femër kosovare, ka raportuar se pas një mosmarrëveshje në familje është sulmuar fizikisht nga bashkëshorti i saj, i dyshuari mashkull kosovar. Viktima ka pranuar tretman mjekësor. Palët janë intervistuar dhe me vendim  të prokurorit, i dyshuari është arrestuar dhe dërguar në mbajtje.

DHUNË NË FAMILJE

Gjakovë 03.04.2025 – 20:00. Është arrestuar i dyshuari mashkull  kosovar pasi i njëjti fillimisht kishte sulmuar fizikisht motrën e tij. Me vendim të prokurorit i dyshuari është dërguar në mbajtje.

Gjakovë 30.03.2025 – 23:00.  Me 04.04.2025 është arrestuar i dyshuari mashkull kosovar, nën dyshimin se i njëjti me datën e lartë-cekur ka shkaktuar dhunë fizike dhe psikike ndaj bashkëshortes së tij. I dyshuari  pas intervistimit me vendim të prokurorit  është dërguar në mbajtje.  /GazetaExpress