Kendall Jenner reagon për luftën në Ukrainë përmes një video ku dëgjohet kënga e Yll Limanit

Rozë

Gazeta Express

26/02/2022 13:01

Modelja më e paguar në botë, Kendall Jenner, iu është bashkuar figurave publike që kanë reaguar për luftën në Ukrainë, shkruan Express.

Jenner, e cila numëron në Instagram 220 milionë ndjekës, ka shpërndarë një video ku shihen dy ushtarë ukrainas duke u përshëndetur me të dashurat e tyre.

Në sfond të kësaj video, që është shpërndarë nga Jenner, dëgjohet kënga e këngëtarit kosovar, Yll Limani. Bëhet fjalë për këngën “Vonë”, që është pjesë e albumit të tij të fundit.

Sipër kësaj video, Jenner ka vendosur disa emoji të zemrës së thyer.

Ndryshe, sot është dita e tretë e luftës në Ukrainë./Gazeta Express