Kërkesa e Osmanit për heqjen e tarifave për produktet amerikane, kongresmeni amerikan: Kjo po pritet mirë në ShBA

Lajme

Gazeta Express

03/04/2025 21:08

Kongresmeni amerikan, Carlos A. Gimenez, ka reaguar pas kërkesës së Presidentes së Kosovës, Vjosa Osmani, që të pezullohet tarifat e importit për të gjitha produktet amerikane.

Ai e ka vlerësuar atë dhe ka theksuar se kjo po pritet mirë në Shtetet e Bashkuara të Amerikës. Ai gjithashtu u ka bërë thirrje aleatëve të tjerë evropianë që ta ndjekin shembullin e saj.

“Faleminderit, Zonja Presidente! Kjo po pritet mirë në Shtetet e Bashkuara dhe aleatët tanë të tjerë në Evropë duhet ta ndjekin shembullin tuaj,” ka shkruar Gimenez në rrjetet sociale.

Thank you, Madam President! This is being well received in the United States & our other allies in Europe should follow your example.

— Rep. Carlos A. Gimenez (@RepCarlos) April 3, 2025

Ky reagim vjen pas deklaratës së Presidentes Osmani, e cila në një postim në rrjetet sociale ka bërë të ditur se ka kërkuar zyrtarisht nga Qeveria e Kosovës të pezullojë tarifat e importit për të gjitha produktet amerikane.

Ajo ka theksuar se ky hap është i rëndësishëm për forcimin e lidhjeve ekonomike me aleatin më të afër dhe për dërguar një mesazh të qartë se Kosova është e gatshme për një partneritet më të fuqishëm me SHBA-të.

“Jam e bindur se ky hap do të hapë mundësi të reja për krijimin e vendeve të reja të punës, shkëmbimin e teknologjisë dhe rritjen ekonomike afatgjatë. Më shumë sesa një hap ekonomik, kjo është një objektiv i politikës së jashtme, që rikonfirmon angazhimin tonë të palëkundur ndaj aleancës Kosovë-SHBA, e ndërtuar mbi vlerat e përbashkëta të lirisë dhe dekada mbështetje të vazhdueshme”, ka theksuar Osmani.

Today, I formally requested the Government of Kosovo to suspend import tariffs on all U.S. products—an important step to deepen economic ties with our closest ally and to send a clear message: Kosovo is ready for a more robust relationship with the United States, with a clear… https://t.co/zqIcz2FVfR

— Vjosa Osmani (@VjosaOsmaniPRKS) April 3, 2025