Këto janë vendet më të shëndetshme për vitin 2024

Shneta tjera

Gazeta Express

30/09/2024 18:25

Shëndeti i kombeve formësohet nga shumë faktorë të ndërlidhur, nga cilësia e sistemit shëndetësor, tek mënyra e jetesës dhe dieta.

Edhe pse sfiduese për t’u matur, një masë e zakonshme e shëndetit të përgjithshëm të popullsisë është jetëgjatësia. Tregues të tjerë të rëndësishëm janë shkalla e vdekshmërisë së fëmijëve dhe aksesi në ushqim dhe produkte higjienike. Në vijim janë paraqitur grafikisht vendet më të shëndetshme ndër ekonomitë kryesore të botës.

Singapori doli në vendin e parë. Ky vend u identifikua së fundmi si “zona blu”, ku popullsia e njëqindvjeçarëve është 10 herë më e lartë për frymë se në Amerikë. Nismat e qeverisë për të inkurajuar ecjen përmes taksave të automjeteve dhe karburantit, së bashku me përfitimet tatimore për ata që jetojnë pranë prindërve ose fëmijëve të tyre, ka të ngjarë të kontribuojnë në rritjen e jetëgjatësisë së vendit.

Në vendin e dytë është Japonia, me një nga jetëgjatësia mesatare më e gjatë në botë. Më shumë se gjysma e femrave të lindura atje në vitin 2023 pritet të jetojnë deri në moshën 90-vjeçare.

E treta është Zvicra, ku stabiliteti ekonomik, nivelet e ulëta të obezitetit dhe jetëgjatësia mesatare më e lartë në Evropë kanë një ndikim të madh. Në vitin 2023, jetëgjatësia mesatare për gratë ishte 85.8, ndërsa për burrat 82.2 vjet. Ky vend ka gjithashtu aksesin më të mirë në sistemin e kujdesit shëndetësor ndër vendet e pasura.