Rasimi nga Vakat pas takimit me Kurtin thotë se janë të gatshëm të bashkëpunojnë për themelimin e qeverisë

Lajme

Gazeta Express

03/04/2025 14:10

Rasim Demiri nga koalicioni Vakat ka shprehur gatishmërinë për t’i ndihmuar kryeministrit në detyrë, Albin Kurti, që ta sigurojë mandatin e tretë.

“Sot kemi pasur një takim të rëndësishëm edhe kemi biseduar shumë sende me kryeministrin. Edhe kryeministri ka gatishmëri, edhe ne kemi gatishmëri për formimin e institucioneve dhe Qeverinë e Republikës së Kosovës”, tha ai.

Ai tha që nëse krijohet komuna e Reçanit ai do të jetë kandidat për kryetar.

“Kemi folur më shumë për disa sende që janë shumë të rëndësishme për komunitetin boshnjak. Për shembull, kur është në pyetje Komuna e Boshnjakëve. Sic e dini edhe ju, më herët ka qenë edhe Duda Balje që ju i keni dhënë shumë hapësirë për këtë çështjen, nuk e di sa keni informata ata që duhet të flasim për Komunën e Reçanit jemi ne dhe nëse do të bëhet komuna, unë jam ai që mund të jem edhe kandidati për kryetar për këtë komunë se jam pjesë e rajonit dhe në anën tjetër ne prej Vakatit jemi ata që duhet dhe do të kërkojmë sepse e kemi besimin te populli. Ato që po bën dikush tjetër që mas zgjedhjeve ka qenë kusht për formimin e qeverisë, tash sic e kemi parë sot nuk është kusht po kërkesë. Kjo është manipulim me njerëzit që jetojnë në atë pjesë ”, tha Demiri.

“S’mundet me qenë kusht”, tha Demiri kur u pyet nëse e ka kusht formimin e komunës boshnjake për të hyrë në koalicion me Kurtin.