Koalicioni VLEN thotë se BDI s’ka hallin e drejtësisë, por të vëmendjes mediatike

Maqedoni

Gazeta Express

02/04/2025 15:36

BDI luan rolin e viktimës përpara kamerave, por edhe këtë herë u kapën në mashtrim. Dorëzuan nismë për komision hetimor me vetëm 16 deputetë, ndërkohë që Kushtetuta kërkon së paku 20. Pra, ose nuk e dinë Kushtetutën, ose thjesht duan shoë mediatik!

E vërteta është e thjeshtë: BDI nuk e ka hallin e Kreshnik Bekteshit, as të drejtësisë për Koçanin. Ata qajnë vetëm për një gjë – vëmendjen që po u ikën çdo ditë!

Madje, nuk janë në gjendje as ta konsolidojnë grupin e vet parlamentar, të ashtuquajturin “Front Evropian”. Nga 18 deputetë që ka ky lloj Fronti arritën të sigurojnë vetëm 16 firma – kjo flet më shumë se çdo deklaratë për gjendjen e brendshme në këtë grupim. Kur s’mund t’i bindin as deputetët e vet, si mund të kërkojnë drejtësi publike?

E në këtë panik politik që po i kaplon çdo ditë, BDI është e gatshme të shkojë deri në fund – të bojkotojë zgjedhjet lokale dhe të përpiqet të shkaktojë krizë politike, vetëm për të shpëtuar vetveten dhe për të shmangur përgjegjësinë që po e afrohet.

Ndërkohë, VLEN është e vendosur që e vërteta të mos manipulohet! Kërkojmë komision hetimor për të gjitha tragjeditë, jo vetëm për ato që BDI i përdor për propagandë – nga Llaskarca, spitali modular në Tetovë, Besa Trans, e deri te Koçani. Nuk do të lejojmë që BDI të luajë rolin e selektorit të dhimbjes dhe të drejtësisë!

Të jemi të qartë: VLEN dëshiron që Kreshnik Bekteshi të dëshmojë pafajësinë e tij, sepse pavarësisht se jemi kundërshtarë politikë, ne nuk duam që asnjë shqiptar të mbajë barrën për tragjedi. Por këtë e vendos drejtësia, jo BDI, jo politika!