Komentatori Arben Berisha: Ngutia e marrjes së meritave, solli turpërimin e Kosovës

Sport

Gazeta Express

03/04/2025 16:14

Kongresi i 49-të i UEFA-s u mbajt në Beograd, aty ku pjesëmarrëse ishte edhe Federata e Futbollit e Kosovës.

Gjatës ditës së djeshme, FFK-ja u prezantua me flamurin e Kosovës, shkruan “Gazeta Express”.

Por, “ngutia” e shpërndarjes së videove dhe fotove nga FFK-ja se Kosova po merr pjesë në Beograd me simbole shtetëroe, sipas komentatorit të njohur shqiptar, Arben Berishës, “solli turpërimin” e Kosovës.

“Ngazëllimi i parakohshëm solli turpërimin

Në vend se në fund të punimeve të Kongresit të UEFA-s në Beograd të dilej në mënyrë triumfale për njohje të subjektivitetit të plotë të FFK-së dhe Kosovës, ngarendja për të marrë kredite para kohe në një vend armiqësor, vetëm sa solli turpërimin e Kosovës me heqjen e simboleve”, shkroi komentatori Berisha në “Facebook”.

Ky reagim i komentatorit të njohur shqiptar vjen pasi gjatë ditës së sotme, Kosova nuk u prezantua me flamurin e saj, por vetëm me logon e Federatës së Futbollit të Kosovës./GazetaExpress/