Kongresi i UEFA-s mbyllet pa e thënë askush asnjë fjalë për heqjen e flamurit të Kosovës, ndonëse e kishin mundësinë

Futboll

Gazeta Express

03/04/2025 14:45

Kongresi i UEFA-s në Beograd është mbyllur pa e thënë askush asnjë fjalë në lidhje me skandalin e madh ku Serbia si nikoqire e hoqi flamurin e Kosovës nga Kongresi, dhe atë para syve të kryetarit të UEFA-s, Alexander Ceferin.

Megjithatë, Kongresi është mbyllur pa e thënë askush asnjë fjalë në lidhje me këtë rast, që ka ngjallur zemërim dhe zhgënjim të madh në Kosovë, shkruan Gazeta Express.

Para se t’i përshëndes delegatët, Ceferin iu dha mundësinë atyre që të bëjnë pyetje, apo ta ngrisin ndonjë çështje nëse kanë.

Por meqenëse askush nuk e ngriti dorën, madje as Federata e Futbollit e Kosovës dhe Federata Shqiptare e Futbollit, Ceferin e shpalli të mbyllur Kongresin.

Derisa Kongresin e shpalli të mbyllur, Ceferin menjëherë doli para gazetarëve në konferencën për shtyp, ku mori një varg pyetjesh të ndryshme.

Por, askush nga të pranishmit nuk e pyeti rreth skandalit në lidhje me Kosovën, ndonëse pyetjet në aspektin politik nuk munguan. Dikush e pyeti për Rusinë, e dikush për Izraelin.