Konjufca pritet të takojë ambasadorin e ri të Kuvajtit

Lajme

Gazeta Express

30/08/2023 8:16

Kryetari i Kuvendit të Kosovës, Glauk Konjufca, të mërkurën e 30 gushtit do të takohet me ambasadorin e Kuvajtit, Faisal Al Musaileem.

Takimi pritet të nisë nga ora 11:00 dhe do të mbahet në objektin e Kuvendit të Republikës së Kosovës.

Ndryshe, Presidentja e Kosovës, Vjosa Osmani, pranoi letrat kredenciale nga ambasadori jorezident i Kuvajtit në Kosovë, Faisal Musaileem.

Në këtë takim, presidentja shtroi nevojën e vazhdimit të mbështetjes edhe në të ardhmen nga ky shtet.

“Ndërkaq ambasadori Musaileem, shprehu interesimin për vazhdimin e mbështetjes për Kosovën në fusha të ndryshme dhe u zotua për bashkëpunim më të gjerë në fusha të ndryshme të interesit të përbashkët”, thuhet në njoftim.

Osmani e ka uruar për detyrën dhe ka shfaqur shpresën se gjatë mandatit të tij do të intensifikohen edhe më tej marrëdhëniet bilaterale në mes të dy vendeve.