Konjufca synon të diskutojë me krerët e partive për seancën konstituive të Kuvendit, ka caktuar edhe datë

Lajme

Gazeta Express

03/04/2025 15:24

Përgatitjet për seancën konstituive të Kuvendit e cila është caktuar me 15 prill, tashmë kanë filluar, shkruan Gazeta Express.

Kryetari i Kuvendit, Glauk Konjufca, ka caktuar 8 prillin, ditën në të cilën ai do të takohet me përfaqësues të partive politike që kanë siguruar ulëse në Kuvend, ku do të diskutojnë për përgatitjet e seancës konstituive të legjislaturës së nëntë. Sipas shefit të tij stafit, Ilir Kërçeli, Konjufca synon t’i tubojë krerët e partive për këto çështje.

Ashtu siç është duke u raportuar, kjo mbledhje, do të mbahet duke filluar nga ora 12:00.

Në seancën e 15 prillit, e cila fillimisht udhëhiqet nga deputeti më i vjetër dhe më i riu,  pritet të zgjidhen kryetari dhe nënkryetarët e Kuvendit, dhe deputetët e rinj bëjnë betimin. /GazetaExpress