Koronavirusi edhe në La Liga, Alaves me dy të prekur

Gazeta Express

14/03/2020 15:53

Koronavirusi prek edhe La Ligan.

Vetëm dy ditë pasi liga spanjolle e futbollit ndali kampionatin deri në datën 3 prill, dy pjesëtarë të Deportivo Alaves kanë rezultuar pozitiv ndaj COVID-19.

Në një njoftim zyrtar, klubi i La Liga thekson se dy personat nuk kanë shfaqur simptoma të koronavirusit, por analizat mjekësore vërtetuan se të dy ishin infektuar me koronavirus.

? ?????????? ???????

— Deportivo Alavés (@Alaves) March 14, 2020

Për hir të etikës, Deportivo Alaves refuzon të publikojë emrat e dy pjesëtarëve të klubit.

Ndërkohë, e gjithë skuadra dhe klubi do t’i nënshtrohet testeve anti-koronavirus dhe stërvitja është ndërprerë deri në një udhëzim të dytë.

Koronavirusi është duke u përhapur me shpejtësi nëpër botë.

Pas Italisë, vendi më i prekur në Evropë momentalisht është Spanja.

Deri më tani mediat spanjolle raportojnë për 5.700 raste pozitive dhe më shumë se 140 të vdekur nga virusi, CONVID-19. /Gazeta Express/