Kosovari dyshohet se e ka vrarë me thikë një grua shtatzëne italiane

Lajme

Gazeta Express

19/12/2023 20:28

Në Treviso të Italisë dyshohet se një kosovar 41-vjeçar me iniciale B.F ka kryer një krim makabër duke e vrarë një grua 26-vjeçare që ishte shtatzëne.

Për këtë ka raportuar mediumi italian “ Corriere Della Sera ”, duke treguar se se mbi trupin e gruas shtetase italiane është goditur shtatë herë me thikë në gjoks.

Emri i viktimës është Vanessa Ballan dhe po priste fëmijën e saj të dytë.

Vrasja ka ndodhur në hyrje të shtëpisë së viktimës, teksa raportohet se viktima më parë e kishte denoncuar sulmuesin për ndjekje.

Raporti shpjegon se viktima ishte rrahur brutalisht, përfshirë edhe lëndime në duar që dëshmojnë përpjekjen e saj për t’u vetëmbrojtur.

Sipas raportimeve dyshohet se sulmuesi ishte klient i supermarketit ku punonte viktima. /Gazeta Express