Kryeprokurori për të dyshuarit për vrasjen e rreshterit: Duken të ri, s’kemi arritur t’i identifikojmë

Lajme

Gazeta Express

02/04/2025 15:13

Kryeprokurori i Prokurorisë Themelore në Ferizaj, Burim Çerkini, ka thënë se vendin e ngjarjes janë gjetur 4 gëzhoja por jo edhe arma e përdorur

“Është përdorur një armë zjarri, ku në vendin e ngjarjes janë gjetur katër gëzhoja të kalibrit 9.19mm. Nuk është hasur arma e dorasve në vendin e ngjarjes. Në vendin e ngjarjes është gjetur arma e zyrtarit policor”, tha ai.

Ai tha se nuk dihet tipi i armës, por shtoi se nuk ka pasur shkrepje të armës nga ana e policit.

“Duken persona të ri, por nuk kemi arritur identifikimin apo njohjen e atyre personave për me ditë a i takojnë rrethit ku ka ndodhur rasti apo janë nga ndonjë vend tjetër”, tha ai.

“Nuk kanë përdor maska, kanë përdor kapela, por ka qenë errësirë që e bën të vështirë identifikimin”, tha ai. /GazetaExpress/