Kryeprokurori: Të dyshuarit për vrasjen e rreshterit ikën në këmbë nga vendi i ngjarjes, s’kemi informata që ka pasur probleme me dikë

Lajme

Gazeta Express

02/04/2025 15:05

Kryeprokurori i Prokurorisë Themelore në Ferizaj, Burim Çerkini, ka thënë se të dyshuarit për vrasjen e Muhamed Likës kanë ikur në këmbë nga vendi i ngjarjes.

Ai shtoi se nuk kanë informacione që rreshteri kishte pasur probleme me dikë.

“E ceka edhe në fillim nga provat që janë mbledhur shihen dy persona që kanë ikur nga vendi i ngjarjes, d.m.th. nga banesa ku ka ndodh rasti tragjik, nga ajo që shihet deri më tani kanë ikur nga vendi i ngjarjes në këmbë, nuk kemi të dhëna që kanë shfrytëzuar më vonë ndonjë veturë apo ndonjë mjet tjetër për të ikur. Rreshteri Muhamed Lika njihet si person goxha profesional dhe nuk kemi ndodnjë indikacion qoftë më të voglin, që ai gjatë punës ka pasur ndonjë problem qoftë me procedurat si polic apo që ka pasë ndonjë problem personal që do të na zbardhte motivin e vrasjes. Për momentin jemi në këtë situatë që gjendjen e kemi akoma të padefinuar se cili ka qenë shkaku apo motivi i kryerjes së kësaj vepre penale”, tha ai. /GazetaExpress/