string(117) "kurti-ia-nis-konsultimeve-per-formimin-e-qeverise-takohet-me-zevendesen-e-tij-kryetaren-e-ndsse-e-siguron-voten-e-saj"

Lajme

Gazeta Express

02/04/2025 11:43

Kurti ia nis konsultimeve për formimin e qeverisë, takohet me zëvendësen e tij, kryetaren e NDS’së – e “siguron” votën e saj

Lajme

Gazeta Express

02/04/2025 11:43

ZKM ka njoftuar se kryeministri Kurti ka nisur takimet me partitë e komuniteteve për konsultime në lidhje me formimin e qeverisë. Ai është takuar me Emilija Rexhepin, që aktualisht është zëvendëskryeministre e tretë dhe kryetare e NDS’së.

ZKM thotë se Rexhepi e ka “konfirmuar gatishmërinë e plotë për vazhdim të bashkëpunimit me Lëvizjen VETËVENDOSJE! si fituese e zgjedhjeve të fundit dhe mbështetjes së kryeministrit Kurti në formimin e qeverisë së re”.

Lexo Edhe:

Kurti e ka falënderuar Rexhepin për bashkëpunimin.

Tashmë 15 prilli është caktuar si datë për mbajtjen e seancës konstituive dhe Kurti ka deklaruar se po atë ditë do të votohet Qeveria.

Njoftimi i plotë:

Kryeministri i Republikës së Kosovës, Albin Kurti, ka filluar takimet me partitë politike të pakicave, për konsultim me to në lidhje me formimin e qeverisë së re pas certifikimit të rezultatit të zgjedhjeve të 9 shkurtit dhe fillimit të afateve kushtetuese drejt formimit të legjislaturës dhe qeverisë së re.

Në kuadër të këtyre diskutimeve, kryeministri u takua me zëvendëskryeministren e tretë për Çështje të Pakicave dhe të Drejtat e Njeriut dhe kryetaren e Partia e Re Demokratike (NDS), Emilija Rexhepi. Ajo e konfirmoi gatishmërinë e plotë për vazhdim të bashkëpunimit me Lëvizjen VETËVENDOSJE! si fituese e zgjedhjeve të fundit dhe mbështetjes së kryeministrit Kurti në formimin e qeverisë së re.

Kryeministri Kurti e falënderoi znj. Rexhepi për bashkëpunimin e frytshëm, rezultatet e arritura gjatë këtij mandati dhe punët e mbara që na presin në katër vjeçarin e ardhshëm.