string(97) "kurti-pytet-per-temat-qe-do-ti-diskutoje-me-vuciqin-e-kam-pranuar-konfiedncialitetin-e-bisedimeve"

Lajme

Gazeta Express

23/02/2023 12:01

Kurti pytet për temat që do t’i diskutojë me Vuçiqin: E kam pranuar konfiedncialitetin e bisedimeve

Lajme

Gazeta Express

23/02/2023 12:01

Kryeministri Albin Kurti është pyetur në seancën e sotme të Kuvendit për temat që pritet t’i diskutojë të hënën në takimin me presidentin serb, Aleksandar Vuçiq në Bruksel, raporton Gazeta Express.

“Unë e kam pranuar parimin të cilin e kanë kërkuar ndërmjetësit europianë, e ajo është transparenca e procesit, konfidencialiteti i bisedimeve”, tha Kurti në fillim të përgjigjes.

Lexo Edhe:

Deputetja e PDK-së, Ariana Musliu-Shoshi, e cila e pyeti për këtë dhe se pse nuk e ka paraqitur në Kuvend propozimin europian, mbeti e pakënaqur me përgjigjen.

Por Kurti tha se përmbajtjen e propozimit europian e ka ndarë me kryetarët e partive politike dhe se beson se “asgjë nuk ka ngelur e panjohur nga ai propozim”.

“Rrjedhimisht, përmbajtjen tekstuale e kam ndarë me kryetarët e partive opozitare, por jo edhe në Kuvendin e Republikës, ndonëse besoj që pas shumë muajve pothuajse asgjë nuk ka ngelur e panjohur nga ai propozim që paraqet bazën e mirë për diskutime të mëtutjeshme që fillojnë të hënën që vjen”, tha kryeministri.