Ky është borxhi qindra miliona euro që Michael Jackson e la kur vdiq

Yjet

Gazeta Express

28/06/2024 22:32

Michael Jackson kishte më shumë se 500 milionë dollarë borxh kur vdiq në vitin 2009, pretendojnë dokumentet e reja të gjykatës.

Mbreti i Pop-it ishte në një krizë të thellë financiare kur vdiq në moshën 50-vjeçare, sipas një peticioni që ekzekutorët e pasurisë së tij depozituan në Gjykatën e Lartë të Qarkut të Los Anxhelosit.

“Në kohën e vdekjes së Michael Jackson, asetet më të rëndësishme të tij ishin subjekt i më shumë se 500 milionë dollarëve të borxhit dhe pretendimeve të kreditorëve, me një pjesë të borxhit që grumbullohej interes me norma interesi jashtëzakonisht të larta dhe një pjesë e borxhit në mospagim,” thuhej në dosje.