“Lautaro, një ndër më të mirët në botë”

Gazeta Express

19/03/2020 22:38

Pochettino ka vetëm fjalë të mira për Martinezin

Ish trajneri i Tottenham Hotspour, Mauricio Pochettino, ka lavdëruar sulmuesin e Interit, Lautaro Martinezin.

Ai e cilëson 22-vjecarin si një ndër sulmuesit më të mirë në botë aktualisht.

Lautaro ka shënuar 16 gola në 31 paraqitje në të gjitha garat këtë edicion me Interin e Antonio Contes.

“Lautaro është një ndër sulmuesit më të mirë në botë”, tha ish-trajneri i Tottenham për Radio La Plata.

“Jo vetëm për atë që po e bën tani, por potencialin që ka përpara. Nëse shikoni për më të mirët, emri i tij sigurt është në mesin e më të mirëve”.

Lautaro tashmë është i rregullt edhe në skuadrën e Argjentinës, ka shënuar 9 gola në 17 paraqitje.

22 vjecari argjentinas po kërkohet nga disa klube, më së shumti nga Barcelona. /Gazeta Express/