Lefter Maliqi ka akuzuar KAS se po vepron me urdhër politik.
Në një deklaratë për mediat, ai theksoi se në Bashkinë Kuçovë ka ndodhur një krim elektoral dhe se KAS nuk ka vepruar, ndërsa denoncoi të gjitha parregullsitë.
Maliqi tregoi se janë mbi 700 pamje e video që sipas tij tregojnë edhe votime në grup, duke shtuar se KQZ i ka ndaluar t’i publikojnë.
“Jam pranë KAS për sot në ditën e katërt pas vendimit politik të shprehur publikisht nga ana ime, sot e keni të mbyllur KQZ dhe KAS vetëm sepse kërkojnë të zvarrisin ankimimin për KAZA nr 64 bashkia Kuçovë për krimin e rëndë elektoral të faktuar me prova.
U bënë 6 seanca , në datë 12 pas vendimi paraprak të KAS për rrëzimin e një pike të hapjes së rinumërimit të votave ne sipas procedurës bëmë ankimimin. KAS këtë herë nxitoi me urdhër politik duke rrëzuar 4 me 1 të gjitha pretendimet në Bashkinë Kuçovë.”, tha ai.
Kandidati i BF për Kuçovën ka ankimuar rezultatin e zgjedhjeve të 14 majit për bashkinë e Kuçovës duke pretenduar se ka pasur shkelje të rënda të bëra gjatë procesit zgjedhor dhe gjatë numërimit.
Ai ka kërkuar rinumërimin e votave për bashkinë e Kuçovës, por KAS ka rrëzuar kërkesën e tij.
Edicioni
t7 live
