Liberalët në Kanada fitojnë zgjedhjet, Carney urohet nga Donald Trump

Lajme

Gazeta Express

29/04/2025 22:59

Kryeministri kanadez Mark Carney foli sot me Presidentin e SHBA-së Donald Trump pas fitores së tij në zgjedhje, sipas zyrës së kryeministrit kanadez.

Trump e uroi Carney-n për zgjedhjet, sipas deklaratës, dhe udhëheqësit ranë dakord të takohen në të ardhmen.

“Udhëheqësit ranë dakord mbi rëndësinë e bashkëpunimit të Kanadasë dhe SHBA-së – si kombe të pavarura dhe sovrane – për përmirësimin e tyre të ndërsjellë”, thuhet në deklaratë.

“Për këtë qëllim, udhëheqësit ranë dakord të takohen personalisht në të ardhmen e afërt”, thuhet në deklaratë, ka raportuar BBC, transmeton Gazea Express.

Partia Liberale e Carney-t parashikohet të formojë qeverinë e pakicës në Kanada, por pa shumicën.