Loriana Kuka fiton dhe kualifikohet në gjysmëfinale

Sporte tjera

Gazeta Express

01/07/2022 13:23

Loriana Kuka ka arritur të kualifikohet në gjysmëfinale të Lojërave Mesdhetare që po mbahen në Oran të Algjerisë.

Xhudistja kosovare triumfoi me IPPON ndaj xhudistes turke, Nurcan Yilmaz në kategorinë deri në 78 kilogramë, shkruan Gazeta Express.

Në gjysmëfinale, Kuka do të përballet me xhudisten nga Kroacia, Petrunjela Pavic.

Ndërkohë, sot po garon edhe Shpati Zekaj që është kualifikuar në çerekfinale. /Gazeta Express/