Maqedoni e Veriut/ Pas 20 viteve realizohet regjistrimi i popullsisë, ja të dhënat statistikore që dalin nga ky proces

Ballina

Gazeta Express

30/03/2022 15:22

Pas 20 viteve, edhe Maqedonia e Veriut ka arritur të zhvilloj procesin e regjistrimit të popullsisë, edhe pse është shteti i vetëm në Evropë që nuk ka një census të popullsisë për një kohë kaq të gjatë, shkruan Gazeta Express.

Edhe pas shumë tentativave në të kaluarën, sidomos ajo e vitit 2011 kur procesi dështoi në momentet kur pritej të fillojë, vullneti politik për realizimin e regjistrimit të popullsisë ka munguar. Arsyet janë nga më të ndryshmet. Në atë kohë, pushteti i Gruevskit ka manipuluar me shifrat e popullsisë, sidomos me të diasporës. Kujtojmë që në vitin 2014, 3 deputetë ishin të rezervuar për diasporën, dhe të gjithë i fitoi VMRO-DPMNE-ja e Gruevskit. Ndërsa sot këtë e mohojnë numrat që kanë dalë nga regjistrimi për pjesën e diasporës.

Zoran Zaev ishte zotuar që nga fillimi i mandatit të tij se do të realizonte regjistrim të popullsisë, gjë që e kishte edhe kërkesë të vazhdueshme nga ndërkombëtarët.

Procesi i regjistrimit është zhvilluar pa ndonjë pengesë që vlen të përmendet, përveç atyre teknike në fillim dhe masave kundër pandemisë që ulën intensitetin dhe zgjatën afatet.

Diaspora e Maqedonisë së Veriut është regjistruar online, dhe ka pasur afat disa-mujor për regjistrim, për dallim nga banorët rezidentë që janë regjistruar me prani fizike të regjistruesve të autorizuar nga Enti i Statistikave, dhe ka zgjatur 30 ditë.

Regjistrimi i fundit i popullsisë në Maqedoni të Veriut është realizuar në vitin 2002. Në atë kohë, popullsia e përgjithshme ishte si vijon:

• Maqedonas 1,297,981 (65.17%);
• Shqiptarë 506,083 (25.17%);
• Turq 77.959 (3,85%);
• Romë 53.879 (2,66%);
• Serbë 35.939 (1,78%);
• Boshnjakë 17.018 (0,84%);
• Vllahë 9.695 (0,48%);
• Të tjerë 20.993 (1,04%).

Në të dhënat që sot i publikoi Enti i Statistikave për regjistrimin e popullsisë së Maqedonisë së Veriut në vitin 2021, të dhënat sipas etnisë(së bashku me diasporën) janë si vijojnë:

• Maqedonas  – 1.137.030 (54.21%)
• Shqiptarë     –  619.187   (29.52%)
• Turq              – 83.443      (3.98%)
• Romë           – 49.104      (2.34%)
• Serbë           – 24.759      (1.18%)
• Boshnjakë    – 18.163      (0.87%)
• Vllahë           – 9.208        (0.44%)
• Të tjerë          – 24.165  (1.16%)

*Persona për të cilët të dhënat janë marrë nga burime administrative – 132.260 (6.31%)

Sqarim: (*) janë personat të cilët nuk ua kanë hapur derën regjistruesve për arsye personale, dhe të cilët nuk kanë pranuar të deklarohen për përkatësinë e tyre. Të dhënat për këto persona janë marrë nga shërbimet administrative dhe janë përdorur në regjistrim si përqindje e ndarë. Kjo përqindje nuk ndikon numrin dhe rezultatin final të të regjistruarve tjerë. Përveç në rastin kur paraqitet tabela me përqindje të popullsisë duke shmangur këtë grup të padeklaruar.

Duke krahasuar të dhënat në mes dy regjistrimeve të popullsisë, të publikuar sot dhe të para 20 viteve, përqindja e përkatësisë etnike ka ndryshuar kështu si vijon:

• Maqedonasit janë më pak për -160.951 banorë (10.96%)
• Shqiptarët janë më shumë për -113.104 banorë (4.35%)
• Turqit janë më shumë për -5.484 banorë (0.13%)
• Serbët janë më pak për -11.180 banorë (0.6%)
• Boshnjakët janë më shumë për -1.145 banorë (0.03%)
• Vllahët janë më pak për -487 banorë (0.04%).

Përqindja e popullsisë rezidente në Maqedoni të Veriut është si vijon:

Përqindja e popullsisë jo-rezidente në Maqedoni të Veriut është si vijon:

Popullsia rezidente pa 132.260 persona të imputuar dhe të paregjistruar në terren, është si vijon:

Popullsia e përgjithshme pa 132.260 personat e imputuar dhe të paregjistruar në terren, është si vijon: