McGregor dhe basti i madh për Ronaldon në “EURO 2024” – A do të realizohet?

Sport

Gazeta Express

02/07/2024 12:30

Conor McGregor vendosi një bast të madh prej 60 mijë dollarësh para fillimit të “EURO 2024”, por shanset që ai të realizohet duket se janë pak të pakta.

Irlandezi, kthimi i Të cilit në UFC kundër Michael Chandler është shtyrë për shkak të një lëndimi në gishtin e këmbës, është një tifoz i madh i futbollit dhe ishte prezent në Kupën e Botës 2018 në Rusi.

Ai është një tifoz i zjarrtë i Manchester United dhe gjithashtu mik i Cristiano Ronaldos, dhe ishte pranë tij në ngjarjet e boksit në Arabi Saudite.

Ai e takoi për herë të parë pesë herë fituesin e Topit të Artë në vitin 2016 në palestrën e tij në Las Vegas dhe në tetë vjet, McGregor i dha mbështetje të fortë Ronaldos, po ashtu edhe në këtë “EURO” të sivjetëm.

Para spektaklit në Gjermani, kampioni i UFC në dy kategori përdori 60 mijë dollarë nga pasuria e tij e raportuar prej 200 milionë dollarësh për të mbështetur ‘CR7’.

Me Duelbits, McGregor vendosi bast të ‘rëndë’ për Ronaldon që të fitojë Këpucën e Artë në këtë turne.

Ai postoi një screenshot të biletës së bastit, me shkrimin: “60 mijë dollarë për Cristiano Ronaldo për të mbajtur Këpucën e Artë në Euro. Siuuu!”.

McGregor arriti koeficientin 14/1 për Ronaldo që të jetë golashënuesi kryesor, dhe do të marrë kështu 840,000 dollarë nëse ai shkëlqen mbi të tjerët.

Por ishte një bast ambicioz për McGregor në fillim dhe shanset që ai të realizohet duket që janë edhe më të vogla tani.

Edhe pse Ronaldo ka bërë histori duke u bërë lojtari i parë që shfaqet në gjashtë turne të Kampionatit Evropian, ai ende nuk ka arritur të shënojë në këtë turne të këtij viti.

Ronaldo shpërfilli një mundësi të artë në ndeshjen e raundit të 16 kundër Sllovenisë, duke parë një penallti në kohën shtesë që u prit nga Jan Oblak.

Pas të qënurit në lot, sulmuesi i Al Nassr u rikthye për të shënuar penalltinë e parë në serinë e penalltive në Frankfurt.

Diogo Costa priti tri penallti radhazi nga Sllovenia në rrugën e Portugalisë drejt çerekfinaleve, ku do të përballen me Francën.

Në tabelën e golashënuesve të Euro 2024, udhëheqin Jamal Musiala i Gjermanisë, Georges Mikautadze i Gjeorgjisë dhe Ivan Schranz i Sllovakisë, të cilët kanë nga tre gola secili./GazetaExpress/