Mediat e huaja raportojnë gabimisht për vdekjen e gjyshes së Rita Orës

Gazeta Express

15/06/2020 17:25

Mediat në Angli kanë ngatërruar gjyshet e këngëtares Rita Ora, duke raportuar për humbjen që ka pësuar artistja me famë botërore.

Rita Ora ka hubmur gjyshen nga nëna, Fatmire Bërdyna-Bajraktari, së cilës ajo me përkëdheli i drejtohej “Nan”.

Mediat e famshme në Angli si: DailyMail, The Mirror, The Sun etj., kanë raportuar për dedikimin emocional që Rita i bëri gjyshes së ndjerë të shtunën.

View this post on Instagram

Dear Nani, you were the most glamorous chic hard working independent person I ever met, every day she would go for walks all dressed up looking amazing, go and get her coffee with no help from anyone she didn’t want it! She was so caring so strong and sooooo funny! My god did we laugh and when she would tell the truth she had no filter! But she loved and cared with all her heart. I’m going to miss you everyday. Rest in peace next to gjushi and I know you will be protecting us and guiding us. Try not to party to much up there in heaven I’ll get fomo! I love you nan. Xx

A post shared by RITA ORA (@ritaora) on Jun 13, 2020 at 7:05am PDT

Mirëpo këta të fundit, konkretisht mediumi britanik The Sun kanë raportuar gabimisht mbi “vdekjen” e gjyshes tjetër të Rita Orës.

“Rita Ora ka ngelur zemërthyer, pasi mori vesh se gjyshja e saj, Besa, ka vdekur”, nis shkrimin mediumi britanik.

Në fakt, Besë Sahatçiu është gjyshja nga babai e Rita Orës, e cila vazhdon të jetojë në Prishtinë. Ajo ka qenë bashkëshortja e regjisorit të njohur shqiptar, Besim Sahatçiu.

Në vazhdimësinë e artikullit, The Sun cek se si nëna e Ritës, psikiatrja Vera Ora, është shkolluar për mjekësi në Moskë të Rusisë, gjatë qëndrimit pesëvjeçar të familjes atje, kjo pasi gjyshi i saj, Osman Bajraktari ishte konsull në Rusi (atëherë pjesë e Bashkimit Sovjetik).

Rita Ora a treguar se ka një lidhje të fortë me Kosovën, teksa gjatë vizitës së fundit në Prishtinë në prill të vitit 2019, u kishte bërë vizitë dy gjysheve të saj, teksa kishte dërguar edhe lule te varri i gjyshit të ndjerë nga babai, regjisorit Besim Sahatçiu. /Telegrafi