Mediat greke, Edi Rama i kërkoi falje Mitsotakis: Shpresoj të mos jeni ofenduar

Shqiperi

Gazeta Express

06/12/2022 21:02

Mediat greke shkruajnë së Kryeministri i Shqipërisë Edi Rama, i ka kërkuar falje kryeministrit grek Kyriakos Mitsotakis, lidhur me deklaratat e bëra nga Rama në lidhje me Greqinë, në një intervistë për Euractiv.

“Ne nuk do ta mashtrojmë BE-në siç bëri Greqia për t’u bashkuar me BE-në” është shprehur Rama.

“Dua të kërkoj falje për disa deklarata të çuditshme që pashë që janë bërë, ato nuk përfaqësojnë situatën në Greqi sigurisht. Shpresoj të mos jeni shqetësuar”, tha kryeministri shqiptar sot.

Në intervistën e tij me Euractiv, kryeministri shqiptar tha se “nuk duhet të harrojmë se procesi i anëtarësimit është një proces i individualizuar bazuar në vlerën e çdo vendi. Duhet të plotësojmë disa kritere dhe nuk është një provim ku mund të “vjedhësh” edhe nëse profesorët janë më se të gatshëm të të ndihmojnë. Është në interesin tuaj të kaloni këto provime”.

Në atë pikë ai shtoi se është e rëndësishme që vendi i tij të ketë institucione funksionale dhe “të mos mashtrojë siç bënë disa vende fqinje në të kaluarën”, shkruajnë mediat greke.

Kur u pyet për të përmendur se cilat vende e kishte fjalën, ai u përgjigj drejtpërdrejt “Greqia”.

/Gazeta Express