Messi reagon pas pensionimit të Federer: Gjeni, unik!

Sporte tjera

Gazeta Express

16/09/2022 10:39

Lionel Messi ka reaguar pas njoftimit për pensionim të legjendës së tenisit, Roger Federer.

Tenisti zviceran njoftoi se pas turneut LaverCup që mbahet javën e ardhshme, ai do ta mbyllë karrierën e tij të jashtëzakonshme.

Ndërkohë, nuk kanë vonuar mesazhet nga sportistët më të mëdhenj të botës dhe jo vetëm nga tenisi.

Lionel Messi ka reaguar duke e quajtur gjeni dhe unik tenistin Federer.

“Një gjeni, unik në historinë e tenisit dhe shembull për çdo sportist. Gjithë të mirat në etapën tënde të re, do na mungojë të të shohim në fushë duke na bërë të kënaqemi”, shkroi Messi.