Meta vazhdon fushatën nga qelia: Pensionistët, kategoria sociale më e diskriminuar

Shqiperi

Gazeta Express

23/04/2025 9:40

Kreu i Partisë së Lirisë, Ilir Meta, ka deklaruar se pensionistët janë kategoria më e diskriminuar nga qeveria dhe se, gjatë 12 viteve të fundit, ata janë lënë në harresë. Në një postim të tij, Meta theksoi se pensionet e ulëta janë një tregues i varfërisë ekstreme që preku këtë grup, duke bërë një krahasim të pensioneve mes Shqipërisë dhe vendeve të rajonit.

“Pensioni mesatar për pleqërinë urbane dhe rurale në Shqipëri është vetëm 170 euro, ndërsa në Kosovë arrin 340 euro, në Malin e Zi 450 euro, në Maqedoninë e Veriut 325 euro dhe në Serbi 390 euro,” u shpreh Meta.

Postimi i plotë:

Kam takuar qindra e qindra pensionistë që me shkollën e tyre të jetës më kanë mësuar kaq shumë.

Varfëria e tyre më ka tronditur thellë. Ndaj prioritet i prioriteteve dhe angazhim madhor për Shqipërinë Madhështore, do të jetë trajtimi i pensionisteve, që janë krenari e vendit për gjithçka kanë dhënë e për sakrificat që kanë kaluar.

Shifrat janë shokuese dhe tregojnë varfërinë dhe mjerimin e dhimbshëm të qindra mijra pensionistëve.

Masa e pensionit mesatar të pleqërisë urbane dhe rurale aktualisht në Shqipëri është 170 Euro, ndërsa në Kosovë është 340 Euro, në Malin e Zi është 450 Euro, në Maqedoninë e Veriut 325 Euro, dhe në Serbi 390 Euro.

Në tre mandate askush nuk e pengoi Edi Ramën të rriste realisht pensionet, por plaçkitja dhe korrupsioni i tij skizofrenik rrëmbeu miliarda euro që do të shërbenin për rritjen e pensioneve.

Në 12 vite në pushtet, ai i varfëroi në ekstrem pensionistët, që sot janë kategoria sociale më e diskriminuar, më e përjashtuar dhe më e varfër e shoqërisë.

Ndaj Programi i shkëlqyer i Shqipërisë Madhështore flet qartë për pensionistet përmes “Paketës së Dhembshurisë”, që konsiston:

NË 100 DITËT E PARA DO TË VENDOSET MINIMUMI JETIK PREJ 200 EUROSH PËR ÇDO SHQIPTAR

• Çdo pensionist, me pension të plotë apo të pjesshëm, më të ulët se 200 euro në muaj, do të marrë 200 euro në muaj.

• Rriten pensionet me 20%.

• Çdo pensionist do të pajiset me Kartën e Konsumatorit, me të cilën do të përfitojë kthimin e TVSH-së që paguan për blerjet e ushqimeve bazë, energjisë elektrike, ujit dhe ilaçeve, duke përfituar rreth 450 euro në vit.

• Për personat me aftësi të kufizuara që kanë nevojë, do të paguhet kujdestari dhe sigurimet e tij, si dhe do të garantohen nga shteti të gjitha mjetet sanitare dhe ndihmëse që u nevojiten.

ÇMIMI I ENERGJISË ELEKTRIKE DO TË ULET NË 7 LEKË/KWH

• Falen të gjitha gjobat për energjinë elektrike dhe ujin e pijshëm për Pensionistët.

 VOTO NR.1 – Koalicioni “PD – Aleanca për Shqipërinë Madhështore”

 VOTO ILIR METAJ – Qarku Tiranë