Millanov njofton se janë asgjësuar rreth 300 tonë ushqim i pasigurt

Maqedoni

Gazeta Express

17/04/2025 11:14

Drejtori i Agjencisë së Ushqimit dhe Veterinarisë, Oliver Milanov bëri të ditur se deri më tani janë asgjësuar rreth 300 tonë ushqim i pasigurt.

Sipas tij, kontrollet janë forcuar dhe shumica e ushqimeve të pasigurta janë tërhequr nga tregu para se të arrijnë te konsumatorët.

“Rreth 300 tonë ushqime të pasigurta u zbuluan për shkak të mospërputhjes në të njëjtin ushqim. Bëhet fjalë për ëmbëlsirat, produktet e qumështit, mishin e kuruar, ushqimet e përpunuara, ujërat natyrale minerale, mjaltin, frutat, perimet”, tha drejtori i Agjencisë për Ushqim dhe Veterinari.

Ai tha se edhe pse AUV është përgjegjëse për zbatimin e kontrolleve të sigurisë së ushqimit, përgjegjësinë përfundimtare për ushqimin e pasigurt e kanë operatorët.

“Ne si Agjenci kemi obligim që të bëjmë kontrolle të rregullta dhe të garantojmë sigurinë e ushqimeve të vendosura në treg, por operatorët, si subjekte që ofrojnë ushqimin, mbajnë përgjegjësi të plotë për atë që ofrojnë për konsumatorët”, tha Oliver Millanov.

Millanov mes tjerash shtoi se Agjencia për Ushqim dhe Veterinari do të vazhdojë me kontrollet dhe do të sanksionohen të gjithë ata që rrezikojnë sigurinë ushqimore dhe shëndetin publik.