Mjeku që ka fshehur eshtrat e viktimave në gjenocidin e Srebrenicës,  vazhdon të punojë me pacientët

Lajme

Gazeta Express

01/02/2024 12:14

Mjeku Nebojsha Mraoviq punon në një ordinancë në Bërçko edhe pasi u konstatua se ai kishte fshehur eshtrat e viktimave të gjenocidit në oborrin e shtëpisë së tij.

REL Evropa e ka marrë këtë informacion pasi ka telefonuar në zyrën e mjekut ku Mraoviq trajton si ortoped. Ai ka klinikën e tij të traumës ortopedike në adresën “Dr. Pajic Medicala”.

“E thirrëm zyrën “Dr. Pajic Medical” dhe na konfirmuan se Mraoviq punon aty, por theksojnë se nuk mund të bisedojmë me të duke pasur parasysh se është i zënë me pacientë”.

Në anën tjetër, Mraoviq iu përgjigj thirrjes së REL dhe shkurt tha se nuk ka pasur kohë të flasë për shkak se ishte në zyrën e mjekut.

“Nuk kam kohë, nuk po bëj asnjë deklaratë, ju po bëni thirrje për asgjë”, ka thënë Mraoviq.

REL e ka thirrur edhe zyrën e mjekut në Bërçko “Dr. Pajic Medical”, ku punon Mraoviq dhe ka pyetur për mjekun, për të cilën gruaja ka thënë se Mraoviq aktualisht është në zyrën e mjekut dhe punon.

“Vërtet nuk e di se kur do të përfundojë, jemi të zënë, telefononi më vonë”, tha një femër në zyrën në fjalë.

Me pranimin e tij, Mraovic fshehu në oborrin e tij eshtrat e varrosura jo të plota të dy viktimave të gjenocidit në Srebrenicë. Ato janë betonuar në një shatërvan që ndodhet në oborrin e një shtëpie private.

Mraoviq i solli eshtrat në Brçko nga pylli në vitin 1997 dhe i varrosi në vitin 2012. Ai më herët ka thënë për Radion Evropa e Lirë se nuk sheh asgjë të diskutueshme në gjithë këtë rast, duke thënë se eshtrat janë përdorur për “operacione planifikuese”.

“Unë i përdora ato në spital, për planifikimin e operacioneve, ato ishin të dobishme për qindra njerëz,” tha ai në shtator.