Mospagesa e shtesave për policët, Haradinaj: Skandal alarmant, s’kemi polici për të përbuzur

Lajme

Gazeta Express

28/03/2025 23:01

Ramush Haradinaj, kryetar i Aleancës për Ardhmërinë e Kosovës, ka reaguar në lidhje me mospagesën e orëve shtesë për policët dhe pagesën për ndërrimin e natës, duke thënë se policia e vendit janë të jashtëzakonshëm, por se të cilët s’marrin as atë që i takon minimalisht, shkruan Gazeta Express.

I pari i AAK-së ka thënë se këto skandale janë alarmante.

Postimi:

Mashtruesit që nuk ndalen së thirruri në emër të sigurisë, po bëjnë gjithçka që munden ta shkatërrojnë pikërisht këtë sektor. Vija e parë e sigurisë, policia jonë e jashtëzakonshme, nuk merr as atë që i takon minimalisht. Këta, në vend që t’ua dyfishojnë pagat kësaj kategorie esenciale të qenësisë dhe sigurisë së Kosovës, nuk ua paguajnë as orët shtesë dhe ato të ndërrimit të natës.

Këto skandale janë alarmante dhe i shkojnë për shtat vetëm atyre që janë armiq të Kosovës.

Nuk kemi polici për t’i përbuzur. /GazetaExpress